Şerê navxweyî ya Sûriyê ev bi salan e ku berdewam dike. Digel berdewamkirina şerê Sûriyê mexdûriyet û şepirzebûna malbatên ku ji ber şer koç kirine jî berdewam dikin. Malbatên ku ji Sûriyê koç kirine bi sed zehmetî hewil didin bijîn. Ji van malbatên ku şepirze û merxdûr bûne malbatek jî malbata Muhsînî ye.
Hamîd Muhsînê ku sermiyanê malê ye berî vê 2 salan digel xanima û 5 zarokên xwe, her wiha digel xwesû, xwezûr û 2 birayên ji Sûriyê koç kir û hat li Xarpêtê bi cî bû. Malbata ku ji 12 kesan pêk tê a niha di nava haleke dilşewat de hewil dide li ser piyan bisekine. Lewra 12 nefs mecbûr in ku di heman malê de bijîn. Malbatê şepirze a niha li benda alîkariya xêrxwaz û rayedaran e.
Muhsîn di derbarê rewşa malbata xwe de ji ÎLKHAyê re wiha axivî: “ Berî vê 2 salan ez hatim vê derê. Em wek 2 malbatan li vê derê dimînin. Em digel xwesû û xwezûrê min tev de 12 nefs in. Hêj tu kes ji me re alîkarî nekiriye. Pêdiviya me ya erzaq û ardûyê heye. Me malên xwe li Sûriyê hişt. Xweda ji we razî be. Min muracatî walîtî û şaredariyê jî kir. Her car ji min re gotin sibe were.”
Muhsîn di dawiya axavtina xwe de bang li kesên rayedar kir da ku ji wan re bibin alîkar.(ÎLKHA)