Li Almanya Meclîsa Federal, bi raya pirê meclîsê ‘esker şandina ji Maliyê re qebûl kir. Meclîsa Federal di vê derbarê de du ray dayînên cuda kir.
Di raydayîna yekem de pirê wekîlên Alman qaşo di çarçowa mîsyona perwerdehiyê de şandina 180 leşkerî bi bal Maliyê ve qebûl kir. Di raydayîna duduyan de jî ji bo dana desteka lojîstik ji ‘eskerên Fransa yên ku Malî îşğal kirine re bi piraniya rayan şandina ‘eskerên Alman hat qebûl kirin.
Di vê çarçoweyê de wê ‘eskerên Alman di sehayên ragihandin, sewqiyat, ji jetên cengê re li hewayê îqmala mazot de destekê bidin hevalê xwe yên îşğalker. Rayên ku hatine dayîn ji bo salekî ne. Li gor beyanatên hukumeta Almanya mesrefên şandina ‘eskeran 55 Mîlyon û 500 Hezar euroyê derbas dike.