Bersûcê doza Ergenekonê Mustafa Balbayê parlementerê Chpê, berî niha 34 sal cezayê hepsê lê hatibû birîn. Dora 4 sal û nîv di hepsê de ma û bi qirara mehkema qanûna esasî jî hat berdan. Li ser berdana bersûcê Ergenekona şebeka terorê, tepkî û bertek dewam dikin.
Di bertekan de bal dikşînin ser vê yekê ku di hiqûqê de, du standardî tê meşandin. Hiqûq ji bo kesên hêzdar e. Hiqûq li pişta kesên xurt e.
Rojnameya Doğruhaberê vê hefteyê ev xeber da ser manşeta xwe. Qezetê beyan kir ku hinek kesên ku ji doza Hîzbûllah girtîbûn, digel mehkemebûna wan bi ser deh salan ketibû jî nehatin berdan.
Di sala 2011an de ji ber berdana hinek mensûbên doza Hîzbûllah, medyayê dest bi kampanyaya lînçê kiribû. Ji lew dîsa ji bo wan, qirara girtinê derxistibûn.
Qezetê cî da beyanên parêzer Murat Sadak. Sadak dide zanîn ku di hiqûq û medyayê de, minafiqtî tê kirin. Sadak wiha got: “Hinek goya profesor, doçent û xoceyên zanîngehan, derketin bernameyên televîzyonan. Li ser girtîbûna zêde nesekinîn. Lê li ser berdana miwekkîlên min ew qas peyv serf kirin. Hecî Înanê miwekkîlê min, pey girtîbûna 11 salan, hat berdan. Lê piştî 13 rojan, dîsa bi dosyeke sexte hatibû girtin. Ev awayî, hiqûqa ji bo kesên xurt derdixe hole.”
BANGAHEQ