Serokê navçeya Wêranşara Rihayê yê HUDA PARê Yakup Esmer di derbarê mijarê de daxuyanî da. Esmer di daxuyaêniyê de êrîşê bi islûbekî tûnd şermezar kir.
Esmer di daxuyaniyê de diyar kir ev bombeya ku hatiye teqandin aramî û pêşeroja gel kiriye hedef. Dûvre Esmer wiha diyar kir: “Erîşên wiha yên ku gelê belengaz û mesûm dikin hedef ji qaosê re xizmet dikin.”
Esmer bal kişand ser hebûna hêzên şerê yên ku hewl didin Tirkiyê jî bikin wekê Sûrî. Dûvre Esmer wiha li axavtina xwe zêde kir: “Qaosekî wiha dibe sedema felaketa me hemiyan. Em hemî di heman keştiyê de ne û heke ev keştî binav bibe dê em hemî bihev re bixeniqin.”
Esmer ragihand êrîşa ku doh bişev hatiye lidarxistin û êrîşên heman şiklê ew şermezar dikin. Dûvre daxuyanî wiha hat domandin: “Xweda rehma xwe li kesên ku mirine bike û şîfa bide birîndaran. Em ji gelê xwe ya ku piştî êrîşê ji bo alîkariyê hewl dane re teşekur dikin û ji ber hesasetiya wan a di derbarê vê yekê de wan pîroz dikin.” (ÎLKHA)