Di destpêka sempozyûmê de serokê giştî yê ÎHHyê Bulent Yildirim di derheqê kurd û Kurdistanê de hest û ramanên xwe bi mêvanan re wiha parve kir: “ Pirsgireka kurd rastînek e tu kes nikare înkar bike. Her wiha yek ji ayetên Xwedê ne Kurd. Tiştên ku em ji bo Turkmenîstanê dixwazin dibe em karibin hemûyan ji bo Kurdistanê jî bixwazin.
Yildirim her wiha di derbarê pevajoya çareserîyê fikr û ramanên xwe wiha bê lêv kir:: “Ev mesele êdî ne tenê meselêya partîyan e. Ev pirsgêrika partîyan jî derbas kiriye. Ev mijar êdî meseleya xelk û miletê ye.”
“Hûn nikarin Evîndarên Pêxember, HUDA PAR û medreseyan înkar bikin”
Yildirim di derbarê heremê de jî wiha axifî: “Di nava vê meha herî dawî de li Amedê li meydana Newrozê du bernameyên mezin hat li dar xistin. Çawa ku tu kes nikare wan kesên ku newrozê pîroz kirine înkar bike ; her wiha tu kes nikarê Platforma Evîndarên Pêxember, HUDA PAR ,medrese û alimên medreseyan jî înkar bike. Lewra ev kes jî rastîyên vê heremê ne.”
Yildirim wiha li dawî li axaftina xwe anî: “ Divê ji xelkê gelek kes rabin ser pêyan û bibêjin em vê pevajoya çareserîyê dixwazin. Her çi tişt tê xwestin divê were gotin. Dibe ku sibe ji bo van xwestekan dereng bibe. Û divê newe ji bîr kirin ku Xwedê hez ji aşîtîyê dike.”(ÎLKHA)