Îşgalkerê Emrîka bi hêzên muttefîkên xwe, di 2001ê de ketibûn Efğanîstanê. Zen dikirin ku, wê bi vê îşgalê muzaffer bibin. Feqet tu carî qawet û tesîra Talîban ne şikandin. Her çi qas li paytext Kabîl û derûdora wê, hinek hakîmiyeta îşgalkeran hebe jî, li welêt hukm û giraniya Talîban dewam dike.
Di van rojan de hêzên îşgalker, hem li ber êrîşên Talîban yên tê gotin ku wê li dar bixe, amadehiyan rast dike, ji zû ve li dû riya ne ku ew û Talîban li hev bikin. Hefta borî serekdewletê Efğanîstanê Hemîd Karzaî, hem bi Barak Obama re hem jî bi serekwezîrê Îngîlîstanê Davîd Kemrin re hevdîtin pêk anîn û dûre diyar kir ku, ji hevdîtinên bi Talîban re amade ne.
Hemî Karzaî konseyeke bi navê konseya bilind ya aştiya Efğanê da sazkirin. Konsey li ser çarçova lihevkirinê raporek hazir kir. Li gor raporê riya siyasetê ji Talîban re tê vekirin. Di îdarê de jî gelek desthilatdarî dixwazin bidin Talîban, mîna walîtiya eyaleta Heratê, serekê teşkîlata polîs û hinek parlementerî.
Wekî tê zanîn Pakîstan jî, destekê didê hevdîtinan. Çendakî berê 26 mensûbên Talîbana Pakîstanê hatibûn berdan. Muxalefet û konseyên alimên Pakîstanê jî, destekê didin lihevkirinan û didin zanîn ku bê Talîbanê, hizûr û aştî nayê Pakîstanê.
Bangaheq