Li Misrê tansiyon hê daneketiye. Protestoyên li ber kirinên Mûrsî, hê dewam dikin. Bi hezaran kes li Tahrîrê kon vekirine. Hikûmeta nû protesto dikin. Mehkema temyîza ku hemî endamên wê ji teref Mubarek ve hatibûn tayînkirin jî, îfade kir ku heta Mûrsî ji qerarên venegere, wê nexebite. Her wiha destek û mîtîngên ji Muhammed Mûrsî re jî berdewam in. Hat gotin ku wê sibê ji bo piştevaniya Mûrsî mîtîngek mezin li dar bixin.
Di navbera piştevan û muxalîfên Mûrsî de, carna bi sivikahî pevçûn jî diqewimin. Di hadîseyan de nêzî 340 mensûbên Îxwan birîndar bûne.
Li aliyê din cemaeta Îxwan diyar kir ku, her tişt di bin qontrola Îxwan de ye. Merkezên Îxwan, ji teref ciwanên mensûbên Îxwan ve tên hefidandin. Berî niha Îxwan xwestibû ku hêzên ewlehiyê buroyên wan bisitirîne.
Ji lîderên Îxwan Dr. Eşref Ebdulxeffûr, ji qezeta Doğruhaberê re weha beyan kir “Tevgerên protestoyan qesdî tên kirin. Helbûkî qirarên ku ji teref Mûrsî ve hatine dayîn, ji bo menfîeta xelkê Misrê ne. Piştî şoreşê, li Misrê dewrek cîddî diqewime. Tora teşkîlateka Îxwan, gelekî xurt e. Em tu endîşeya nakin. Lewra her tişt di bin kontrola Îxwan de ye.” www.bangaheq.net