Wezîrê Karûbarên Hindir Suleyman Soylu û Wezîrê Tendrustiyê Recep Akdag di derbarê êrîşa li Qeyseriyê ya ku li ber zanîngehê hat lidarxistin û di encama êrîşê de 13 kes jiyana xwe ji dest dan de daxuyanî dan.
Wezîrê Karûbarên Hindir Suleyman Soylu diyar kir ku dê serê xwe li ber van êrîşan netewînin û wî diyar kir armanca wan ew e ku yekitiya Tirkiyê xera bikin.
Soylu wiha diyar kir: “Heke ew zen dikin ku dê bi van êrîşan em xwe li paş bidin pêwîst e ku bizanin dê ev yek tekoşîna me ya bi terorê re bandordar neke. Dê em bi gel, hikûmet û dewleta xwe vê biryarê bidomînin. Kesên ku nekarîn di 15ê Tîrmehê de Tirkiyê îstîla bikin hewl didin ku serê Tirkiyê li ber êrîşan bitewînin û gelê me bê umîd û bê hêvî bikin. Armanca terorê ew e ku neyîniyek pêk bînin. Dê em misadeya vê yekê nekin.”
“Ji 55 birîndaran rewşa 6 kesan xedar e”
Wezîrê Tendrustiyê Recep Akdag di derbarê tedawiya birîndaran de daxuyanî da. Akdag wiha pê de çû: “Di nexweşxanê de 55 birîndar hene. 38 kes di Nexweşxaneya Fakulteya Tibê ya Zanîngeha Ercîyesê ne. 9ê wê di Nexweşxaneya Perwerde û Lêkolînê û yên din jî di nexweşxaneyekî taybet de ne. Rewşa 6 kesan xedar e. Personelên tendirûstiyê xizmet dikin.” (ÎLKHA)