Ji ber barana pir û şedîd ya ku du rojan bariya, li gundê ‘Ewrîxana Şemrexa Mêrdînê, banê axurekî hat xwarê. Di hadîseyê de 15 heywan telef bûn.
Hat gotin ku ji ber barana pir, li gundê han axurê ku pez tê de bû hatiye xwarê. Ji gundiyên mexdûr Hesen Demîr, ji Ajansa Îlkeyê re xeber da û ji rayedaran alîkarî xwest. Hesen Demîr wiha got: “Ji ber barana du rojan, axurê me yê ku me pez tê de xwedî dikir hat xwarê. 15 heywanên me telef bûn.
Niha em şerpeze û bêçare ne. Devereke ku em heywanên xwe têxinê, tune ye. Ji bo telafiya zirara me, em ji rayedaran alîkariyê dixwazin.”
BANGAHEQ