Pispor îqaz dikin ku zarokên me, pêşeroja me dibin xeter û talûka înternet kafeyan de ne. Hinek înternet kafe li tenişta mekteban e. Muşteriyên gelek înternet kafeyan jî, zarokên di bin 12 salî re ne. Ji ber ku kontrolên hewce nayên kirin, nesla nû li ber talûkeyek mezin e.
Înternet gelek sehayên heyatê îşgal kirine. Bi qasî feyda wê, zirara wê jî heye. Heger bi başî û rastî bê bikaranîn, bi feyde ye. Lê mixabin roj bi roj, ciwan û zarokên ku li ser înternetan, bi feysbûk û malperên hevpariya sosyalê, heta sibehê bi lîstik û têkiliyan bê xew dimînin, zêde dibin.
Hinek zarok çer ku sibehê ji xew radibin, beriya taştê û rûşuştinê, direvin ser kompîtur û înternetê. Înternet kafe jî her roj zêde dibin. Lê belê kontrol û îdarekirina wan ne têra xwe ye. Cîddî guman hene ku wezareta karên hundir, gilî û şîkayetên der heqê van tiştan de jê re diçin, zêde guhnadê, paşguh dike.
Tê gotin ku pirê kesên biserûber diçin van înternet kafeyan, dikevin malper û sîteyên ğeyrî exlaqî. Ji ber kontrolên bêqîm, li ser zarok û ciwanên ku dikevin van malperan, nexweşiyên rûhî û me’newî peyda dibin.
Pispor îfade dikin ku kontrokirina van înternet kafeyan zêde bibin, ji aliyê teknîk û tehsîlî ve tedbîr bên amade kirin.
bangaheq.net