Federasyona Basketbolê ya Navneteweyî, piştî rexneyên cûdaxwaztiya dînî, destûr da ku lîstîkvanên basketbolê bi armanca emrê dîn dikarin sernixumandî bilîzin.
Di beyana federasyonê de hat gotin ku lîstikvan dikarin di heyama lîstinê de serê xwe binixumînin, ew ê heta du salan ji bo qirarê ceribandin hebe, pey olîmpîyatên Rio De Janerio yên di 2016an de, ew ê bê diyarkirin ku qirar daimî be yan na.
Li gorî qaîdeyên derbasok ên navneteweyî, kum, aksesûarên por û girêdana mucewheratê yesax û qedexe ye, tenê ji bo banda por ya ku bi qasî 5 santîm fireh e destûr heye.
Lîstikvanên musluman û sîh ên ku tevlî şampîyon û olîmpîyatên basketbolê dibin beyan kiribûn ku qaîdeyên han cûdaxwaztî ye û daxwaz kiribûn ku bila sernixumandî serbest be. Komîteya Olîmpîyatê ya Amerîkayê û Hikûmeta Hîndê, destek dabûn vê daxwaza lîstikvanan.