Serokatiya Kar û Barên Diyanetê derbarê îdîaya ku “mimkun e keçikên zarok di emrê xwe yê bi çûk de bên zewicandin” de daxuyaniyek da.
Li gor daxuyaniya ku ji teref diyanetê ve hat kirin de hat îfade kirin ku: “Li gor xebera ku di hin çapemenî û weşanan derket de qaşo diyanetê gotiye ‘meriv dikarin zarokên keçik di emrê wan yê biçûk de bizewicîne’ ev qethiyen ne raste û xeberek bêbinî ye.”
Hat îfadekirin ku ferhenga ku ji teref diyanetê ve hatiyê amade kirin ji teref hin kesan ve hatiye şewişandin û derxistina îdîayek wisa ya bêbinî bi tu awayî nayê îzahkirin.
Di dawiya beyanatê de hat îfade kirin ku: “Di dînê Îslamê de heta zarokê keçik negêje emrê ruşd û ne bi riza û îrada wê be ev di dînê me de nikare bi zorê bê zewicandin. Mixabin serokatiya me di tu dem û zemanî de destûra zewaca emrên bi çûk nedaye û wê nedê jî.”
ÎLKHA