Arîkarê Serokê Giştî yê HUDA PAR û Berdevkê Partiyê Mehmet Yavuz ji ber salvegera darbeya 27ê Gulanê daxuyaniyeke nivîskî belav kir. Yavuz di daxuyaniya ku belav kir de destnîşan kir di pey darbeya 27ê Gulanê de NATO û DYA heye û ev darbe bûye destpêka kevneşopiya darbayên eskerî yên ‘Hevkariya Emperyalîstan.’
Yavuz di berdewama axavtina xwe de diyar kir darbeya 27ê Gulanê xelqeya ewil a ku pê tê dihat xwestin berxedana xelkê bê şikandin e û dû re wiha pê de çû: “ Xelqeya dawî jî teşebûsa darbeya 15ê Tîrmehê bû ku ev kevneşopiya meş’ûm li ser rehînstandina îradeya millet hatiye sazkirin. Divê saziya siyasetê di birêveberiyê de prensîbên ‘Adalet, Lîyaqat û Meşveretê’ ji xwe re esas bigire û bi vê yekê dibê hamleyên şeytanî yên mîna van vala derxîne. Her wiha dema ku bi darbe û darbekaran re micadele hat kirin jî divê di çarçoveya edalet û hiqûqê de ji wan hisab bê pirsîn.”(ÎLKHA)