Mûxalîfên Sûriye li ser teşekulek nû lihevkirin. Melayê kevn Mûaz el Xetib, serekê teşekulê hat hilbijartin. Civîna muxalîfan li Dohayê pêkhat. Wezîr Ehmed Davutoğlu îfade kir ku muxalefet êdî ji hev ne perçebûyî ye û gazî dostên Sûriye kir ku piştgiriya vê lihevkirinê bikin.
Ev serê heftekê ye ku li Dohaya paytexta Qatarê, civîna muxalîfan pêkdihat. Di civînê de teşekulek nû pêk hat. Serekê wê jî melayê kevn Mûaz Xetîb hat hilbijartin. Teşekul bi navê Koalîsyona mîllî ya hêzên muxalîf û şoreşa Sûriye, ji derve û hundirê Sûriye ji muxalîfan pêk tê.
Mûaz Xetîb di 1960î de li Şamê welidiye. Ji alimên mezin û hêja dersên tefsîr û isûla fiqhê wergirtine. Li Şamê telebên ku ji seranserê cîhanê diçûn Şamê, ders dane wan. Li hêla rojava jî tê naskirin. Di 2011 û 2012an de çend caran ji teref rejîma Esed ve hatibû girtin. www.bangaheq.net