DEDAŞ 4 xebatkarên xwe yên ku di bunyeya wê de dixebitîn bi îddîaya bi şikleke baş nekirina kar ji kar derxist.Karkerên ku ji ber vê sedemê li ber Midûrtiya DEDAŞa Dîclê civiyan ji bo ku ji hevalên xwe yên ku ji kar hatine derxistin re bibin destek çalakîya dev ji kar berdanê li dar xistin.Karker bi sloganên ku avêtin ji kar derxistinan re bertek nîşan dan.
Li ser navê karkerên ku ji kar hatine derxistin Feyzî Bademcî axavtinek kir.Bademcî di axavtina ku kir de wiha destnîşan kir: “Bi hinceta kêmbûna performansa kar digel min 3 hevalê min din jî ji kar derxistin.Hevalên me yên ku ji rewşê haydar bûn dev ji karên xwe berdan û hatin vê derê da ku destekê bidin me.Dibêjin ew ê dewama van derxistinan bê.Em ê ji vê zilmê re razî nebin.Gelemperî dema ku ji kar derdixin dibêjin ‘paralelvan e’ û ji kar davêjin.Ger ku me cardin negirin em ê çalakîya xwe ya heqdar bidomînin.”
Rayedarên DEDAŞê jî di derbarê mijarê de destnîşan kir ew kesên ku hatine derxistin ji ber kêmbûna performansa kar ji kar hatine derxistin.(ÎLKHA)