Karwanê Hêvîyê li Dîyarbekirê bi sedan zarokan re cil û berg belav kir

Karwanê Hêvîyê, di çarçoveya kampanyaya "Botek û Montek" a ku her sal li dar dixe de, bi hatina hewayên sar re li Dîyarbekirê alîkarîya cil û bergên zivistanê da zarokên hewcedar.

Weqfê bi piştgirîya xêrxwazan û dahata kermesa ku hefteyên borî li Qada Şêx Seîd hatibû vekirin, bi sedan zarok û malbatên wan kirin mêvan û bot û mont li wan belav kirin.

Armanc gihîştina 500 zarokan e

Alîkarê Serokê Karwanê Hêvîyê yê Dîyarbekirê Abdurrahîm Karadenîz derbarê xebatan de agahî dan, dîyar kir ku bi hezaran malbat li weqfa wan qeydkirî ne û wiha got:

"Bi dahata ku me ji kermesê bi dest xistîye, em îro 100-200 zarokên xwe cil û berg dikin. Her çend derfetên me têra gihîştina hemû malbatan nekin jî kampanyaya me didome. Em spasîya xêrxwazên ku heta îro piştgirî dane me dikin û ji bo ku zarokên me vê zivistanê necemidin, li benda piştgirîyên nû ne. Armanca me ya îsal ew e ku em bot û montan bigihînin 500 zarokên xwe." (ÎLKHA)

İlk yorum yazan siz olun
UYARI: Küfür, hakaret, rencide edici cümleler veya imalar, inançlara saldırı içeren, imla kuralları ile yazılmamış,
Türkçe karakter kullanılmayan ve büyük harflerle yazılmış yorumlar onaylanmamaktadır.

Kurdî Haberleri

81 wîlayetan de 746 kesî ke ameyêne gêrayîş, ameyî tepiştiş
Li xaçerêya rêya Çinar-Qîlwa otomobîl û qamyon li hev ketin
13 kes birîndar bûn
Hejmara şehîdên li Xezzeyê gihîştiye 74.710 kesan
6 şikdar hatin binçavkirin