Kerwana Ûmudê ya ku xebatên xwe li Êlihê birêve dibe bênavber xebatên xwe yên alîkariyê didomîne. Di bergeha xebata alîkariyê de Kerwana Ûmudê vêcarê ji 600 malbatên feqîr re alîkariya cil û bergan û ya erzaqê kir.
Li navenda Êlihê ji 500 malbatî re alîkarî hat kirin. Malbatên ku ji alîkariyê re muxtac in ev heftiyek e ku tên navenda komelê û him ji xwe re û him jî ji zarokên xwe re cil û bergên eydê digrin.
Sekreterê Giştî yê Kerwana Ûmudê Faysal Ruzgar di daxuyaniya ku di derheqê xebarên alîkariyê de da de destnîşan kir ew hêj hewil didin bibin hêvî û ûmida xelkê û ji ber vê yekê ew ji ber minasbeta Remezanê heta biha ji 500 malbatî re alîkariya cil û berg û erzaqê kirine.
Li Hezoyê jî ji 100 malbatî re alîkarî hat belavkirin
Kerwana Ûmudê li Hezoya Êlihê jî di çarçoveya xebatên alîkariyê de 20 ji wan êtîm tev de ji 100 kesên ku pêdiviya wan ji alîkariyê hebûn re alîkariya erzaq û cilan kir. Abdulcelîl Balayê Serokê Kerwana Ûmudê yê Hezoyê ye di derbarê mijarê de diyar kir ew beriya Remezanê kesên ku pêdiviya wan ji alîkariyê re heye tespît kirine û niha xebat dane destpêkirin da ku alîkariya wan kesên ku hatine tespîtkirin bikin.(ÎLKHA)