Berdevkê Kremlînê Dîmîtry Peskov derheqê wê peşnûmaya qanûnê ya ku ji teref Serokê Amerîkayê Donald Trump ve hat îmzekirin û tê de li dijî Rûsya, Îran, Çîn û Qoreya Bakur danekirinên nû hebûn de nirxandinan kir. Peskov di nirxandina ku kir de diyar kir ew danekirinên nû yên Amerîka dereqanûnî û gaveke bêhêvî ne.
Berdevk Peskov di berdewama axavtina xwe de her wiha diyar kir Rûsya ji bo berjewendiyên xwe mihafeze bike dê tiştê pêwîst bike û dû re wiha li axavtina xwe zêde kir: “ Ew ê Rûsya ji bo mihafezekirina berjewendiyên xwe tiştên pêwîst bike. Bila şipheya tu kesî di vî warî de tunebe. Her wiha Îran jî di nav de temamê welatên dî jî dê berjewendiyên xwe mihafeze bikin û divê ji vê yekê re hemû kes rêzdar be.”
ÎLKHA