Li Batmanê ji bo 5 qîzên xwendekar, merasîma îcazeta hafiztiyê hat li dar xistin. Merasîm ji teref komela Bîlge-Derê ve hat rast kirin. Jin û qîz teveccuhek mezin nîşanî merasîmê dan.
Merasîm bi xwendina Quranê dest pê kir. Di merasîmê de Selma Altûn xeberdanek kir. Di xeberdana xwe de wiha got “Li çar terefê dinyayê êrîş û heqaret li Quranê tên kirin. Ehlê kufrê dixwazin mesaj û peyama Quranê hilînin. Lê li aliyê din mûcîzat, belağat û kerematên Quranê li meydanê ne. Bi van xizmet û hafiztiyan jî eşkere dibe ku Quran û nûra Quranê, tu carî nayê tefandin.”
Di bernamê de bi navê “Hafizên Quranê” şanoyeka tiyatroyê jî hat lîstin.
Hat diyar kirin ku 5 qîzên ku nêzî du sala ye tehsîla hafiztiyê dîtine, hafiztiya xwe qedandine û îcaza hafiztiyê wergirtine. Merivên hafizeyan, malavayiya xizmetkar û kedkarên komelê kirin.
Bangaheq