Li Bîrecîkê komela çand û alîkarî û piştevaniyê Uhuvvet-Der, der barê tesettura jinên muslumanan de konferansek li dar xist. Konferans bi amanca hişyarî û stariya li hember xerabûna exlaq û me’newiyata civak û millet, hat li dar xistin.
Serekê komelê Îbrahîm Xelîl Barlak, di xeberdana destpêkê de da zanîn ku amanca komelê, mucadela li ber xizanî, cehalet û tefrîqayê ye.
Paşê Mela Ekrem Derdîyok peyivî. Mela Ekrem di xeberdana xwe de îfade kir ku jin bi tesettura xwe dibe xwedî şexsiyet. Şexsiyet û şeref jî bi hîcab û tesetturê tê sitirandin.
Mela Ekrem wiha dewam kir “Kesên ku qanûn û rêziknameyan dikin behane û hincet û li ser bêhîcab û bêtesetturiyê dijdînin, eşkere îsyanî Xweda û emrê Îslamê dikin.”
Konferansa tesetturê bi xwendina duayê bi dawî bû. Millet gelekî teveccuhî konferansê kir û gelekan diyar kirin ku fealiyetên weha divê pir caran bên kirin. Li Bîrecîkê li dar xistina konferansên wiha teze ye. www.bangaheq.net