Xeberan diyar kir ku do li herêma Colemêrgê, mensûbên PKKê di heman demê de, êrîşî sê qereqolan kirine.
Li Qerekola Rûmtikê ya bi merkeza Colemêrgê ve giredayî, qerokola Karataşê ya li gundê Deştana navçeya Çukurcayê û li bargeha ya li serê Girê Darsinkiyê, ji aliyê mensûbên PKKê ve di heman demê de êrîş hat kirin. Walîtiya Hekkariyê, beyan kir ku di êrîşê de, 6 esker û 2 cerdevan hatine kuştin. Di hadîseyê de, jê 9 esker û 6 jî sivîl yekun 15 kes birîndar bûn. Birîndar rakirin Nexweşxaneya Eskerî ya Hekkariyê. Hat îddîa kirin ku 14 mensûbên PKKê jî hatine kuştin. Li herêmê operasyon dest pê buye.
Li aliyê din, mensûbên PKKê, êrîşî xetta boriya petrolê ya Kerkûk û Yûmûrtalikê kirin. Ji ber vê yekê jî sewkiyata petrolê hat sekinandin. Êrîş do bişev saet di deh û nîvan de li nêzî gundê Arboya Nisêbînê hat kirin. Bi teqînê agir derket. Ji ber vê yekê jî Botaşê, sewkiyata petrolê da sekinandin.
(Ferman Çiyayî/Bangaheq)