NATO li Coğrafyaya Îslamê, ji ğeyrî bombebarandinê pêve tiştekî din nake. Li Bosna, Efğanistan û Lîbyayê bi xwe qetlîam rast kirine.
Natoya îşgalker li Efğanistanê dîsa sivîl qetil kirin. Li bajarê Kûnarê di êrîşa Natoyê de 14 sivîl hatin qetilkirin, 13 kes jî birîndar bûn.
Walîyê Kûnarê Şûca elmulk Celale beyan kir ku li navçeya Narengê, di êrîşên eskerî de hêzên Efğan û Îsafê ji Natoyê desteka hewayî xwestine. Celale diyar kir ku di êrîşên hewayî yên Natoyê de 4ê wan zarok, 3ê wan jin 14 sivîl hatine qetilkirin.
Li Efğanistanê ev serê 12 salan e ku îşgala Natoyê û Emrîkayê didome. Di vê îşgalê de heta niha bi hezaran jin û zarok û kesên sivîl hatine qetilkirin, mal û xanî hatine bombebarandin û gelek kes jî seqet mane.
Neteweyên Yekbûyî da zanîn ku Natoyê, di çar salên dawîn de bi hezaran zarok qetil kirine, bi 10 hezaran zarok jî birîndar bûne û seqet mane.