Qeza, li nêzê gundê Cevîzlîya li ser rêya Sason-Êlihê di seatên êvarê de pêk hat.
Li gorî agahîyên ku hatine bidestxistin, mînîbûsa ku plaqeya wê nehat hînbûn û karkerên înşeatê tê de bûn ji navçeya Sasonê diçû Êlihê, şofêrê mînîbûsê hakimîyeta dîreksîyonê winda kir û li kendalê gêr bû.
Di qezayê de, 6 karkerên ku navên wan nehat hînbûn birîndar bûn. Hat ragihandin ku rewşa birîndarek giran e.
Karkerên birîndar, bi ambûlansan hatin rakirin Nexweşxaneya Lêgerîn û Perwerdehî ya Êlihê.
Derheqê qezayê de tehqîqat hat destpêkirin. (ÎLKHA)