Îsal li Ewrûpa li 10 welatan li nêzî 30 bajaran, fealiyetên pîrozkirina wîladeta pêxemberê me tên lidarxistin. Di organizeya hefteya wîladeta pîroz de, bernama ewil, li Elmanyayê li bajarê Ludwîgshafinê hat rastkirin.
Gelek muslumanên li ğûrbetê tevlî bernama wîladeta pîroz bûn. Bername bi xwendina Quranê dest pê kir. Bi xeberdan û îlahiyên grûba Wehdetê dewam kir. Mela û xetîbê camiya Kocatepê Ebdurrehman Bayram, xeberdanek kin kir. Dûre Mela Yehya Yilmaz, li ser ehemiyeta bernamê peyivî.
Bernameke din ya wîladeta pîroz jî, li Îngolşîtada bajarê Elmanyayê hat li dar xistin. Bername ji devê Celal Kaloşiyê yekemê dinyê yê xwendina Quranê ve, dest pê kir. Dûre grûba Wehdetê îlahî û helbestên xwe pêş kirin. Bi coşek mezin bername, bi xeberdana Mûrat Korkûtatayê temsîlkarê Yetîm-Dera Ewrûpayê dewam kir. Lêkolînerê siyerê Ehmed Baygin, li ser evîna pêxember, beyanên muhîm diyar kirin. Pey re Mûhammed Dundar, li ser exlaqê pêxemberê me sekinî. Bername bi xwendina duayê bidawî bû.