Li Ewrûpayê îsal coşa Mûhammedî bê navber didome. Li gelek welat û bajaran bernameyên mewlûdê tên lidarxistin. Vê paşîn li Elmanyayê li bajarên Bohûm û Hambûrgê bername hatin rastkirin.
Li Hambûrgê bername bi xwendina Quranê dest pê kir. Ji Misrê Ahmed Yûnûs Quran xwend. Pey xeberdanên destpêk û silavlêkirinê, hunermend û zarokên biçûk bi îlahiyên xwe millet coş kirin.
Di bernamê de Dr. Mahsûmî, Enes Nas xoca û Mela Mûhammed Dundar li ser eşq û heyata pêxemberê me xeber dan. Sumeyye Çelîka candana eşqa Resûlûllah hat bibîranîn. Dûre mewlûd hat xwendin. Îlahî û helbest hatin hunirandin. Li ser cahîliyeta berê, şanoyeke tiyatroyê hate nîşandan. Bername bi duayê qediya.
Her wiha li bajarê Bohûmê jî bernameyek hate lidarxistin. Pey xwendina Quranê û mewlûdê, îlahiyên bi Kurdî, Zazakî û Tirkî hatin hunirandin. Millet bi selewatan tevlî îlahiyan bûn. Mela Yahya Polat û Mela Mucahîd Haksever, li ser evîna pêxemberê me xeber dan. Pey re dîsa îlahî hatin hunirandin. Bernama mewlûdê bi duayê bi dawî bû. BANGAHEQ