Bi çend mehan berî niha, li Emrîka, bi destek û fînansoriya Emrîka û Îsraîl, fîlmeke ku heqaret li Quran û pêxemberê me dikir, hatibû çêkirin. Di fîlmê de 7 Qiptiyên filleyên Misrê jî lîstibûn. Mehkema Misrê ya ewlehiyê, di ğiyabê de, di aleyhê lîstîkvanên fîlmê de mehkeme vekir û li 7 qiptiyên fille, ceza îdamê birî. Ji wan 5 heb li Emrîka, li Awûstralya yek û li Qanada jî yek kes dijî. Di nav wan de çêkerê fîlmê Nakola Basseley jî heye. Nakola ji ber ku şertên tehliya bi şert îhlal kiribû, hatibû girtin û niha li Emrîka di hepsê de ye.
Hat îfade kirin ku wê qirar, ewilî here ber destê tesdîqa muftiyê Misrê. Dûre wê di 29 Kanûnê de ji bo înfaza cezayê, qirara dawîn bê dayîn. Heft kesên ku ceza îdamê li wan hatiye birîn, ji teref mehkema Misrê ve, bi sûcê sebebê pevçûna di navbera mezheban de, dijmantiya dînên semawî û mezheban, teşwîka fikrên xerab, xerakirina yekîtiya mîllî û aşîtiya civakê dihatin sûcdar kirin.
Li Misrê qirarên îdamê berî înfazê, pêşî tesdîqa muftiyê Misrê dibin.
Wekî tê zanîn fîlma heqaretwarî li seranserê alema Îslam û cîhanê, bûbû sedema gelek protesto û mîtîngan. Di hadîseyên protestoyan de zêdetirî 50 musluman hatibûn şehîd kirin. Bi sedan musluman jî birîndar bûbûn. www.bangaheq.net