Rêxistina Navneteweyî ya Koçê (IOM) diyar kir ku li Iraqê ji ber şerî, zêdetirî mîlyonekî kesî malên xwe terikandiye.
Berdevkê IOMê Chris Lom, li Ofîsa Cenevê ya Neteweyên Yekbûyî (NY) de bi medyayê re ragihand ku piştî êrîşên çekdarên Dewleta Îslamî li Iraq û Şamê (DAIŞ) hejmara koçberan li ser yek milyonî ketiye.
Lom got sedema zêdebûnê, êrîşên li ser navçeya Şingalê ne.
Lom bal kişand ser hejmara yên ji ber pêşveçûnên DAIŞê li Iraqê malên xwe terikandî ku ji Çileya 2014an heta niha hejmara wan gihiştiye asta herî bilind.
Berdevka Bernameya Zadî ya Cihanê (WFP) Elisabeth Byrs jî got: “Yên ku ji herêma Şingalê koçber bûne bê av û bê xwarinin.”