Li Iraqê li gelek bajaran protestoyên mûxalîfan dewam dikin. Bi pirranî li eyaleta el Enbarê tê li dar xistin. Mûxalîf bi 8 maddeyan daxwaza tiştan dikin û îfade dikin ku telebên wan neyên cîh, wê protestoyên xwe dewam bikin.
Ji komîteya organîzasyonê hat beyan kirin ku, meqseda li dar xistina protestoyan, avakirina yekîtiya xelkê Iraqê ye û parastina heqên wan e.
Hat diyar kirin ku, di lîsteya telebên mûxalîfan de ev tişt hene:
Bila girtiyên jin û zilam bên berdan. Li gor çarçova gaziyên cemiyeta cihanê, înfazên ceza îdamê bên sekinandin. Rêz û pergalên qanûnî yên der barê îdara mekanên mûqeddes de, ji nû ve bên berçavkirin. Bila qanûna der heqê mucadela li ber terorê de, û dozên bi vê qanûnê re eleqedar bên betal kirin. Effûke giştî bê îlan kirin. Rêz û pergala qanûnî ya der barê lêpirsîna edlî de betal bibe. Di serî de emniyet û yargî, di hemî saziyên dewletê de, di aleyhê bêqanûniyê de lêpirsîn bên kirin û di bin kontrol û çavdêriya navnetewî de, jimartina nifûsê bê kirin.
Wekî tê zanîn ji 23ê Kanûnê vir ve xelk protestoyan li dar dixin. Nûrî Malîkîyê serekwezîr, bi bal aşbûn û îtîdalê ve gazî protestoyan dike. Her wiha Malîkî, ji esker û polîsan jî xwest ku bi îtîdal tevbigerin.