Serokê Navenda Azadkirin û Mexdûrên Krîza Wîlayeta Plateauya Nîjeryayê Solomon Mwantiri, daxuyand mirovên çekdar li herêma Barkîn Ladîna girêdayê wîlayeta Plateauyê êrîşek lidar xistin.
Mwantiri weha got, “21 kesên ku di êrîşê de canê xwe ji dest dan piştî nîvroyê hatin xistin bin axê. Em ji bernameya cenazeyê hê nû vegerîyan.”
Berdevkê Plateauya Hêzê Wezîfeya Leşkerî ya Taybet Serpel Ola James jî diyar kir ku ji herêmê re leşker hatin sewqkirin û rewş di bin kontrolê de ye.
Walîyê Plateauyê Caleb Mutfwang diyar kiribû ku di nav 3 mehên dawîn de di encama pevçûnên ku pêk hatin de ji 300î zêdetir mirov canê xwe ji dest dan. (ÎLKHA)