Li bakurê rojavayê Pakîstanê, hinek mensûbên Talîbanê êrîş birin ser baregeke eskeriyê. Di êrîşê de digel êrîşker 35 kes hatin kuştin.
Wezîfedar û berpirsiyarên ewlehiya Pakîstanê, dan zanîn ku êrîşa han vê sibehê li bajarekî eyaleta Hayber- Paştûnkvayê pêk hatiye. Di hadîseyê de 10ê wan sivîl 35 kes hatine kuştin. Hat îddîa kirin ku ji wan 12 heb êrîşker in û Talîbanê vê êrîş li dar xistiye.
Talîban jî da zanîn ku, ji ber êrîşên teyarên Emrîka yên bêînsan, êrîş birine ser baregeha eskeriyê. Berdevkê Talîbanê Îhsanullah Îhsan beyan kir ku, di êrîşê de 3 mensûbên wan can dane, yek jî birîndar bûye.
Wekî tê zanîn do jî li nêzî sînorê Efğanîstanê, êrîşeke din pêk hatibû. Di wê êrîşê de jî 27 kes hatibûn kuştin, zêdetirî 40 kesî jî brîndar bûbûn.