Li ber fîlm û qarîqatorên xebîs û heqaretwarî, do li Pakîstanê piştî nimêjên înê, protestoyên mezin hatin li dar xistin. Li gelek bajaran bi deh hezaran millet bi yek dengî meşiyan, li zalima lanet barandin. Hêzên ewlehiyê bi sîlehan mudaxela protestoyan kir. Di hadîseyan de 23 musluman hatin şehîd kirin.
Millet bi navê “Roja evîna Muhammed(s’.e.w)” bi deh hezaran li cadde û meydanan meşiyan. Alayên Emrîka şewitandin. Li Peşawerê polîs gulle barandin. Li Lahor û Mûltanê 10 hezar protestovan û polîs pevçinîn. Polîsan li protestovanan reşand. Millet xwest ku derbasî herêma merkeza dîplomatên ecnebî bibin. Polîs ji bo bibe mani’, şîddet bikar anî. Li bajarê Karaçiyê jî 15 hezar protestovan meşiyan. Polîsan bi sîlehan xwest ku wan bisekinînin. Hat îfadekirin ku di hadiseyan de, li bajarê Qaraçiyê 15, li bajarên Peşawer û Lahor û Mûntan û Îslamabadê jî 8 musluman, bi temamî 23 musluman şehîd ketin. Zedetirî 200 kes jî birîndar bûn.
Berî niha hikûmet ji bo ku millet aş û nerm bike, roja înê kiribû tatîl. Lê partiyên siyasî, saziyên dînî, grûbên tîcarî diyar kiribûn ku wê protestoyan li dar bixin. Ajans û qezetevanan bal kişandin ser tewra bişîddet ya polîsê Pakistanê.