Li hêla Sûriyê, nêzî navçeya Ceylanpinarê li bajarê Hasekî li navçeya Serê Kaniyê, di navbera muxalîf û hêzên ordiya Esed de şerê şedîd diqewimin. Ji ber pevçûnan li Ceylanpinarê mekteb hatin tatîl kirin.
Hat gotin ku muxalîf û hêzên Esed dixwazin deriyê sînor bidest bixin. Lewra deriyê sînor, ji bo amancên eskerî tê bikar anîn. Dengê teqînan û sîlehên şer, ji navçeya Ceylanpinarê ve jî tê bihîstin.
Hat gotin ku hinek eskerên birîndar yên muxalîf û ordiya Esed, sînor derbas kirine û li Ceylanpinarê hatine rakirinî nexweşxana dewletê. Hinek ji wan yên rewşa wan giran şandin nexweşxanên Rûhayê.
Ji ber şer û teqînan, li Ceylanpinarê tevdîrên ewlehiyê hatin girtin û mekteb rojekê hatin tatîl kirin. Ji însanan hat xwestin ku ji ber sînorê dûr bibin.
Li aliyê din hat gotin ku ji ber gulle û fîşengên şervanan, li navçeya Ceylanpinarê du welatî brîndar bûn. Ji wan rewşa yekî giran e. Li ser birîndariya her dû kesan xelkê qezê, li ber nexweşxanê civiyan, hêzên emniyetê wan aş û sekan kir. www.bangaheq.net