Li Sirûca navçeya Rihayê, ji teref emniyetê ve operasyon hat lidarxistin. Hat îddîakirin ku 2 PKKyî digel malzemên teqînê, derbasî hêla Tirkiyê bûne û li gundê Sazliyê li mala alîkarê serekê belediyê Ekrem Polatsoyê BDPyî dimînin. Ji lew polîs operasyonek li dar xist.
Di operasyonê de her dû PKKyî, alîkarê serekê belediyê Ekrem Polatsoy û birayê wî Serhat Polatsoy, endamê meclîsa BDPê muslum Halhalli, Ahmet G, Doğan S û Şahîn T hatin desteserkirin.
Hat îddîakirin ku di lêgerîna malê de 30 kîlo dînamît, 4 kîlo teqemeniya C-4, 15 bombên destan û 7 dezgehên kumanda hatine girtin.
6 kesên desteserkirî, bi sûcên peydakirina maddeyên teqemenî yên derqanûnî û alîkarî û destekdana PKKyê hatin girtin. BANGAHEQ