Li navçê 2yê kanûnê li taxên Cevatpaşa, Fatîhpaşa, Dabanoglu,Hasirli,Cemal Yilmaz û Savaşê û Li Kolana Gazîyê derketina derve hatibû qedexekirin.Her wiha 3ê kanûnê jî Qada Şêx Seîd jî tevlî qedexê bûbû.Qedexeya derketina derve ya li Kolana Gazîyê ya ku ji 11ê kanûnê vir ve hatibû îlankirin îro di seat 07.00an de hat rakirin.
Li navçeya ku ev bû nêzî mehekî qedexe lê berdewam dike pevçûn hêj berdewam dikin û av û ceyran qut dibin.Li navçê perwerdehî nayê dayîn û jiyan gihaştîye asta sekinînê.
Li temamên sikak û kolanên Sûrê çeper hatine înşakirin.Navçe ketîye rewşeke wiha ku xelk ji tirsa nikare derkeve derve û pisîkên navçê jî ji birçîna dimirin.
Her çiqas qedexeya derketina derve li Kolana Gazîyê hatibe rakirin jî dikandar dîsa dikanên xwe venekirin.
Xelkê navçê yên ku dikarin derbasî navçê bibin hewl didin naskirî û malên xwe bibînin.(ÎLKHA)