Hewlêr (Rûdaw) - Komîteyên hevrêzên navxwe yên opozîsiyona Sûriyê eşkere kir ku duh 189 kes ji aliyê hêzên artêşa rejîmê ve hatine kuşitin.
Li gor çavkaniyê, di nava kesên hatine kuştin de 50 girtî hebûn û di zîndana navendî ya Helebê de hatin kuşitin. Li Şam û navçeyên derdora wê 60 kes hatin kuştin, ji wan 19 kes li navçeya Qetena di bin îşkenceyê de jiyana xwe ji dest dan.
Komîteyên hevrêzan diyar kir ku balafirên şer ên artêşa rejîmê 386 navçe bombebaran kirin. Herwiha 99 navçe rastî êrişên bi roketan hatin.
Komîteyên hevrêzên navxwe ragihand ku di 127 navçeyan de, şer û pevçûn di navbera şervanên Artêşa Azad û hêzên rejîmê de derket.