Lı Sûrıye Şer
Dı Operasyonan De Hejmara Kuştıyan Gıha 136 An.
Li Sûriye di navbera hêzên ordiya Esed û muxalîfan de şer bê sekin dewam dike. Li gor teşkîlata şopandina heqên însana, ordiya Esed bi sîlehên giran êrîşî derûdorê bajarê Şam û Helebê dike. Di operasyonan de zêdetirî 136 kes hatin kuştin.
Li Şamê helîkopterên Esed êrîşî hawêrdor kir. Di hadîseyan de 54 kes hatin kuştin. Bi dehan kes jî birîndar bûn.
Li aliyê din konseya giştî ya şoreşa Sûriye îfade kir ku teyarên herbê li Şamê li beldeyên Qadem, Aselî, Hacer Eswed, Dûma û Mûdamiyetê her wiha li Helebê jî li Merce, Mesekîn Hanûn, Fîrdews û Şearê bombên warîlê avêtine. Ji ber van bombeyan bi dehan mal û xanî hilweşiyane. Li bajarê Raqqayê jî şer giran dibe. Li seranser welêt di hadîseyan de zêdetirî 136 kes hatin kuştin.