Li Tûnûsê piştî kuştina lîderê mûxalîf û laîq Şukru Belîd, hikûmet hate fesixkirin. Serekwezîrê Tûnûsê Hamadî Cîbalî, ji televîzyona resmî re xeber da. Cîbalî da zanîn ku wê di şûna hikûmeta fesîxkirî de, hikûmeteke teknokrat ya ku, ne mensûbên tu partiyên siyasî ne, bê avakirin.
Cîbalî beyan kir ku, ji ber ku li ser guhertina kabîneyê lihevkirin pêknehatiye, qirara fesixkirinê hatiye dayîn, û di qirarê de bi partiyên muxalefet û îktîdarê re, tu hevdîtin çê nebûye. Hikûmeta teknokrat, heta hilbijartina giştî bên lidarxistin, wê welêt îdare bike.
Sekreterê giştî yê partiya demokrata welatperwer ya muxalefetê Şukru Belîd, li ber mala xwe, bi êrîşeke sûîqestî hatibû kuştin, ji ber vê yekê jî li welêt protesto dest pê kiribûn. Berî niha partiyên koalîsyonê li guhertina kabîneyê li hev nedikirin.
bangaheq