Li gorî agahiyên ji çavkaniyên tenduristiyê yên ku ajansa fermî ya nûçeyan a Filistînê WAFAyê behs kiriye, nexweşxaneyên li Xezzeyê di 24 saetên dawî de 6 şehîd û 26 birîndar wergirtine.
Bi vî awayî, ji 7ê Cotmeha 2023an vir ve, hejmara giştî ya şehîdan gihîştiye 74.594an, û hejmara birîndaran jî gihîştiye 175.834an.
Ji dema ku agirbest di 11ê Cotmeha 2025an de dest pê kir, hejmara şehîdan li Xezzeyê gihîştiye 1580î û hejmara birîndaran jî gihîştiye 5711î. Di heman heyamê de, cenazeyên 845 kesan ji bin xirbeyan hatin derxistin.
Çavkaniyên tenduristiyê ragihandin ku gelek kes hêna jî di bin kavilan de û li ser rêyan in, lê ekîbên ambûlans û parastina sivîl nekarîne bigihîjin wan.
Ji aliyê din ve, piştî temamkirina agahiyên nasname û qeydkirina şehîdan, 18 kesên din li hejmara giştî ya şehîdan zêde bûn. Hate diyarkirin ku ev qeyd ji aliyê komîsyona berpirsiyar a qeydkirina şehîdan ve hatine pejirandin û nûvekirina dawî di 24ê Cotmehê de hatiye kirin. (ÎLKHA)