Malbatên Şehîdên ku di 6-7ê cotmehê de li Diyarbekirê bi banga Hevserokê Giştî yê HDPê Selahaddîn Demîrtaş ji teref PKK/HDPyiyan ve hatibûn şehîdkirin eydê bi şikleke dilşikestî derbas dikin.
Ev bû 3 eyd ku malbat bêyî zarokên xwe eydan diborînin. Malbatên Şehîdên ku di 6-7ê cotmehê de li Diyarbekirê bi banga Hevserokê Giştî yê HDPê Selahaddîn Demîrtaş ji teref PKK/HDPyiyan ve hatibûn şehîdkirin eyda xwe bi şikleke dilşikestî derbas dikin û malbat diyar kirin ji ber ku Selahaddîn Demîrtaş bûyeran dayepêkirin divê bê darizandin.
Mehmet Gokgozê ku bavê Şehîd Hesen Gokgoz e diyar kir bêyî zarokan borandina eydê bi zehmet e û wiha li axavtina xwe zêde kir: “Min lawê xwe şehîd da ku ez ji vê yekê bextewar û şad im.Em amadene ku di vê rêyê de şehîd bibin.Xwezî wekî Hesen 10 zarokên min ên din jî hebana min di oxira van xizmetan de wan feda kiribana.Şehîdî mertebeke pir xweş e.Xweda ji wan kesên ku destekê didin me û li cem me cî digirin razî be.”
“Çavên neviyên min li bavê xwe digerin”
Gokgoz di berdewama axavtina xwe diyar kir ji ber ku neviyên wî êtîm mane ew xemgîn e û dû re wiha li axavtina xwe zêde kir: “Ez wê rojê li Edenê bûm.Neviyê min ê biçûk hat ba min û got ‘Min geleke zêde beriya bavê xwe kiriye.’ Çavên neviyên min li bavê xwe digerin.Ev yek pir bi zehmet e.”
“Demîrtaş bûyeran da pêkirin, ez dixwazim ew bê darizandin”
Oztekîn Dakakê ku bavê Şehîd Huseyîn Dakak e diyar kir Selahaddîn Demîrtaş bûyerên 6-7ê cotmahê daye pêkirin û xwest ku ew bê darizandin.Dakak dû re wiha li axavtina xwe zêde kir: “Sal derbas bibin jî ez dê lawê xwe ji bîr nekim.Xweda ji van Mislimanên ku hatine vê derê razî be.Ew şehadeta lawê min ji bîr nekirin û nedan jibîrkirin.Xweda heqê zarokên me ji wan re nehêle.Hey qezaba wan kesên ku vê wehşetê kirine bişewite.Em ji şehadeta lawê xwe nepoşmanim.Xweda şehadeta wî qebûl bike.Problemekeke me tenê heye ku ew jî bi mehkemeyan re ye.Weke ku tê zanîn destnedayîna parlementeran rabûn.Em wek naskiriyên mexdûran ji Selahaddîn Demîrtaş gilîdar bûn.Em dixwazin Selahadîn Demîrtaş wek kesê ku bûyeran daye pêkirin bê darizandin.”
Fîkrî Boruyê ku bavê Şehîd Yasîn e di derbarê mijarê de diyar kir eyda wan bi dilşikestîbûnê derbas dibe û ew ji ber xemgîniya ku dijî nexwast biaxive. (ÎLKHA)