Do şeva Mî’racê hat îhya û îdrakkirin. Muslumanan camî dagirtin. Di heqê mî’racê de sohbet hatin kirin, îlahî hatin hunirandin, Quran û mewlûd hatin xwendin, nimêj û dûa hatin kirin, selewat hatin anîn.
Serokê karên diyanetê Mehmet Gormez, li Enqerê tevlî bernama li camiya Ahmed Hemdî Aksekiyê bû. Gormez wiha got “Mî’rac bi me’na safbûn û hilkişînê ye. Mî’raca însanan nimêj e. Ji lew di vê şevê de kirina nimêj û xwendina Quranê pir bi xêr in. Divê ji Xweda lutf û qencî bê xwestin. Rebbê alemê ziman daye însên. Hewce ye ku em bi vê nîmetê bi hev re xeber bidin, meselên xwe hel bikin.”
Li aliyê din li gelek bajarên Ewrûpayê mîna Parîs û Leîpzîgê jî bi minasebeta qendîla Mî’racê, bername hatin lidarxistin. BANGAHEQ