Li Batmanê komela Bîlge-Derê, merasîma îcazetê li dar xist. Di merasîmê de, 17 qîzên ku nêzî çar salaye di medresê de dersên Îslamî û Erebî, mîna serf, nehwê, tefsîr, Hedîs, fiqih dixwendin, îcazet wergirtin.
Merasîm bi xwendina Quranê dest pê kir. Xeberdana despêkê ji teref Hîcran Guneş ve hat kirin. Di xeberdana xwe de wiha îfade kir “Di civak û nav milllet de, qasî hewce bi alimên zilam heye, ewqas hewce bi alimên qîz û jin jî heye. Amanca me ew e ku di her malekê de alimek hebe. Ji ber vê yekê, kultur û xebatên medresê pir lazim in.”
Pey îlahiyên grûba Cizîrê ya qîzan, îlahiyatvan Nûrhan Nasiroğlû li ser qîmeta îlm û aliman peyivî û wiha got “Alim diktor û mîmarê civakê ne. Van îcazet jî, perçeke muhîm ya projeya avakirina civakêye.”
Bernama merasîmê, bi dana îcazetname û xwendina duayê bi dawîbû. www.bangaheq.net