Li gundê Hogiraya ku nêzî 40 kîlometre dûrî Bismila navçeya Diyarbekirê ye, ji bo 8 xwendekarên medreseyê yên ku di bin mamostetiya Mela Ebdurrehîm Cengîz de ‘ilmê xwe yê Îslamî temam kirin, merasîma îcazetê hat rastkirin.
Merasîm li meydana gund hat lidarxistin. Gelek alim û pêşîvan û welatî tevlî merasîmê bûn. Merasîm ji devê Yûsûf Ozer xoce ve bi xwendina Quranê dest pê kir û bi qasîde û îlahî û dûayan dewam kir. Pey xeberdanên di heqê girîngiya xwendina îlm û medreseyan de, îcazetên telebeyên hatin dayîn.
Her wiha li Qosera navçeya Mêrdînê li medreseya mehela İşiklarê jî, ji bo 7 xewndekaran merasîma dayîna îcazetê pêk hat. Di bernameyê de qaymeqamê Qoserê Erdoğan Tûran Ermîş xeber da û îfade kir ku ger di dema xwe de girîngiya hewce ya ji bo medreseyan hatibaya dayîn, ew ê hinek hedîseyên nexweş ên li başûrê rojhilatê neqewimîbana.
Ji rayedarên Cemîyeta Aliman mela Mehmet Ozer jî tevlî merasîmê bû û îfade kir ku divê perwerdeya medreseyê bê teşwîkkirin û di her malekê de telebekî medreseyê hebe.
Pey xeberdanan îcazetên xwendekaran hatin dayîn.