Partiya de’wa hur Huda par, berî niha programa xwe bi medyayê re hevpar kiribû. Îro merkeza giştî ya partiyê ya li Enqerê, bi merasîm û dua hat vekirin. Alîkarên serekê partiyê Seîd Şahîn, Mehmet Yavûz, Îsa Aydin û Ebdurrehman Cens di merasîmê de amade bûn. Serekê partiyê parêzer Huseyîn Yilmaz, ji ber rewşa hewayê, bi derengî tevlî merasîmê bû.
Merasîm ji teref Ebdulbarî Çelîk ve bi xwendina Quranê dest pê kir. Seîd Şahîn di xeberdana destpêkê de, malavahiya beşdaran kir. Serekê partiyê Huseyîn Yilmaz jî, di xeberdana xwe de, li ser biratiyê sekinî û da zanîn ku wê Huda Par, di çareserkirina pirsgirêkên Tirkiyê de rolek muhîm bigre.
Di dawiya merasîmê de, serek Huseyîn Yilmaz jî malavahiya kesên tevlî merasîmê bûne kir.
Bangaheq