Serekcimhûrê Misirê Muhammed Mursî, di civîna li Rîyada payîtexta Sî’ûdî ‘Erebîstanê, a serekên dewletên ‘Ereban de xeberdanek kir. Serekcimhûr Muhammed Mursî di xeberdana xwe ya di vê civînê de go: “ Misir, bi her awayî li hember mudaxaleyeke ‘eskerî a li hember Malîyê ye.”
Mursî di civîna ku li Rîyadê Qada Konferansê a Kral ‘Ebdûl’ezîz tê kirin de heqqê xeberdanê xwest û bi vî awayî xeberda: “Mudaxeleya ‘eskerî a li hember Malîyê wê li herêmê şer û pevçûnê zêdetir bike. Divê mudaxeleyeke bi aşîtî ku hizûr û selametê bîne Maliyê bê kirin. Em li hember tevî mudaxeleyên ‘eskerî ku li Maliyê bên kirin in.”
Mursî di dewama xeberdana xwe de jî go: “Îslam şîddeta li hember sivîlên me’sûm bi tu awayî meşrû’ nabîne. Digel vê em naxwazin ku li herêmê hinek navendên nû ji bo şer û pevçûnê çêbibin.”