Konfederasyon û sendikayên karker û kedkaran hewl dikin ku, cejna karkeran li meydana Taksîmê pîroz bikin. Feqet waliyê Stenbolê Avnî Mutlu da zanîn ku, li Taksîmê xebatên înşaatê didomin. Deverên kolandî û xetere hene. Ji ber vê yekê ew ê destûr û îzna mîtînga li Taksîmê nedin. Walî wiha got “Di şertên heyî de, li meydana Taksîmê mîtîngek bihizûr, ewle û bêrîsk ne mimkûn e. Daxwazên sendîkayên me û şertên vê derê li hev nakin.”
Serekwezîr Tayyîb Erdoğan jî, li ser mîtînga Taksîmê wiha xeber da “Li Taksîmê xebat hene. Şantiyeyên 30-40 metre hatine kolandin hene. Bila herin çelengan deynin wir. Lê belê wê li wir mîtîng neyê kirin. Divê sendîka destekê bidin aştiyê. Em ji wan fêma samîmî hêvî dikin ne înadê.”
bangaheq