Şeva Reğaîbê a ku mizgîniya sê mehên pîroz e do bi şev li mizgeftan û li malan bi coşeke mezin û me’newî hat îhya kirin û dila nûrdar kir.
Kesên xwestin ku vê şevê ihya bikin pey li mêja meğrîbê camiyan dagirtin. Mizgeftên li çar aliyê welat tije bûn. Di şeva pîroz de limêj hatin kirin, dest ji bo du’ayan vebûn û bi dil ji Rebbê Dilovan re vebûn û münacat û du’ayan kirin.
Kesên ku kêfxweşiya sê mehên mubarek jiyan, gelek ‘eleqe nîşanê bernameyên ku li camiyan hatin lidarxistin dan.
Li gelek camiya pey limêja ‘eşayê bername hatin lidarxistin, Qariyên Qurana Pîroz bi dengê xwe yên xweş Quran xwendin û dengbêjan jî îlahên xwe hunurandin. Digel Quran û îlahiyan sitêrkên çavan ji bo ‘efû kirina gunehan bariyan û xelqê bi Rebbê xwe ve zarîn kir. Di vê demsala me’newî de li tevî ‘alema Îslamê dest ji bo du’ayê vebûn û du’aya yekîtî û hizûrê ji bo tevî ‘alema Îslamê hat kirin. BANGAHEQ