Millet dixwaze karûbarê zivistanê bike. Feqet ji ber operasyonê eskeriyê û tehdîtên PKKê, nikare tiştekî amade bike. Milletê herêmê xisûsen ehlê gundan, ji bo zivistanê amadehiyan bike, li gor dewletê alîkariya terorê dike. Eger daxwazên PKKê red bike, li ba PKKê xaîn tê hesibandin û perîşan dibe.
Li Şirnexê û Wanê dîsa li mekteba sabotaj hat kirin û hatin şewitandin. Millet û xwendekaran gazin kirin ku sûcê wan çi ye.
Mehkema Erzeromê li 4 PKKyiyan, ceza muebbetê birî. Hat diyar kirin ku her çar mensûbên PKKê, tevlî êrîşa tabûra Dağlica ya Hekarî bûne. Ebûqat û parêzerên 9 kesa, daxistina ceza xwest. Mehkemê li 4 kesan ceza muebbetê birî. Wekî tê zanîn di 21 Cotmeha 2007an de êrîş li tabûra Dağlicayê hatibû rast kirin. Di şer de 12 esker hatibûn kuştin.
Li aliyê din li Şirnexê 12 mensûbên PKKê, xwe teslîmî eskeriyê kir. Li gor îddîa walîtiyê, 12 mensûbên PKKê, ji partiyê qetiyane û do xwe berdestî hêzên emniyetê kirine. Der heqê wan de lêpirsîn dest pê kir.
Li Guruna navçeya Siwasê jî, wesaîta ku mehkûm ji Diyarbekir sewkî Sîlivriyê dikir, qelibî. Di qezayê 8 esker û 4 mehkûm birîndar bûn. Birîndaran rakirin nexweşxana dewletê ya Gurunê. www.bangaheq.net