Piştî ku komela Mustezef-Derê ji teref mehkemê ve hat girtin, komelê hereketa Mustezefan avakiribû. Pey re camîa Mustezefan, qirar da ku partiyek siyasî damezrîne. Ji bo partiyê di 17ê Kanûnê de muracaetî wezareta karên hundir hat kirin. Wezaretê vê muracaetê qebûl kir. Bi vî awayî partî resmen hat damezrandin.
Parêzer Mehmet Huseyîn Yilmaz, li ser navê mensûbên damezrîneran xeber da ku, wê nebin partiya sîstemê, wê bibin partiya xelkê. Her wiha îfade kir ku meqseda wan di nav cemiyet û millet de, avakirina hizûr, aştî, edalet, azadî û biratiye.
Tiştê ji bo partiyê pir tê meraq kirin, programa partiyê ye. Wezîfedarên partiyê, dan zanîn ku wê di 28ê Kanûnê de li Enqerê civînekê li dar bixin. Wê di civînê de logo û programa partiya xwe bi medya û nivîskaran re parve bikin.
Li aliyê din hat îfade kirin ku Huda par, ji 45 mensûbên damezrîner pêk tê. Ji wan 8 heb jin in.
Bangaheq