Li navçeya Silopîya Şernexa ku hêj lê qedexeya derketina derve berdewam dike PKK camîyan wek çeper û mewzîyan bi kar tîne û bi vî awayî camîyan dixe hedef.PKK bi vê kiryara xwe him zirarê dide mal û cihê kargehan û him jî cihên muqaddes texrîb dike.
PKKya ku li taxa Şehîd Harun Boyê, Camîya Hz. Bîlal wek çeper û qerargahê bi kar tîne zirareke mezin dide camî û qursên Qur’anê.Hat dîtin li camîya ku ev bû nêzê mehekê ku îbadet lê nikare bê kirin Qur’ana Kerîm û kitêbên îslamî li derve hatine avêtin.Hinek hemwelatîyên bihest Qur’anên Kerîm ên ku hatibûn avêtin berhevkirin û ji wan kesên ji vê yekê re bûne sebeb re lanet anîn.
Ji rexê din ve hat dîtin mala ku li kêlêka camîyê ye ji teref PKKyîyan ve bombe lê hatîye bicîkirin û dûvre hatîye teqandin ku qeta 2yemîn ya xanî xera bûye.
Xelkê navçê ji pevçûnan re bertek nîşan da û xwestin ku pevçûnên nava bajêran werin dawî kirin.(ÎLKHA)