Serekê Hîzbûllah Seyyîd Hesen Nesrûllah, çend roj berê gazî millet kiribû ku li ber fîlma heqaretwarî tepkiyên xwe nîşan bidin. Bi vê amancê li paytext Beyrûtê bi sed hezaran Lubnanî, mîtîngek mezin li dar xistibûn. Hesen Nesrûllah jî di mîtîngê de xeber dabû.
Do jî li bajarê Sûrê dîsa bi hezaran Lubnanî, li ber fîlmê meşiyan li meydana civiyan, mîtîngek li dar xistin. Hereketa Emel û Fillehan jî destek dan protestoyê. Ji lîderên Emelê Muhammed Gazal, di protestoyê de xeber da û îfade kir ku sîyonîst Îsraîl li pey fîlmê ye û dixwaze di navbera musluman û Fillehan de pevçûnan pêk bîne. Diyar kir ku fîlm ji çarçova azadiya fikrê gelek dûr e.
Axaftvanên din jî îfade kirin ku heqareta kovara Fransayî jî, dibe bibe sebebê hadîseyan. Ji ber vê yekê jî kovarê şermezar kirin.